चौतारी ! चौतारी !! चौतारी !!!

नमस्ते र स्वागत गर्दछु सप्पै चौतारवासीलाइ यो २३ औ चौतारीमा । २२ औ चौतारीमा क्रिष्ण जन्मअष्टमी मनाउनुको साथै कुम्लेको जन्मदिन पनि मनाउन पाइयो । साथै मिसले बनाका मिठा मिठा सेल रोटी पनि खान पाइयो । अब यो नया चौतारीमा त झन के के हुने हो म त त्यसै त्यसै दंग छु । १५-१५ दिनमा बनाउने भनेको चौतारी एकै हप्तामा बनेको देख्दा चौतारीले ठुलो फड्को मारेको हो कि जस्तो लाग्छ ।
फेरी पनि पुन्टे,ग्वाचेका जस्ता कथा, नेपालको छोरो,चित्रे, दिपे,कुम्ले का जस्ता कबिता, बिर्खे, दादाका जस्ता गित, भउतेका जस्ता गफ अनि मिसको जस्ता खाना चौतारीमा छाउदै गरोस ।
सप्पै चौतारीवासी नेपे दाजी,नेपे साइला, बिर्खेमाइला, दादा, पुन्टे, चित्रे,काका,निरे,सन्जु, सिरे, भौते, कुम्ले,गोतामे,ग्वाचे,फुलौरे , मास्टर्नी नानी,डल्ली,तिरु, ठुल्नानि, प्रिती, मुन्द्रे, लाले, गालब , पिकरेली, कलंकि, साँहिला, आइते, मुखियाबा, लालुपाते, गुरासे, इश्वर,लाउरे दाई, लुते, नटे, सेर्पिनि, चमेली,लन्लि,रामकिस्ने, रुइना, नेप्चे, बेमानि ,आशे, चिप्ले, परदेशी, पानपाते ,हर्के, यामे , सुभे, हिते ,नारने, कैले, झाक्री, चरीनङ्रगे, बब दाई,सान्कान्छा, राते, रामे, माने, इन्द्रेणी,हिमाल, फोक्से, डि बी र मिस्टे फेरी पनि जुटम अनि रमाइलो गरम यो नया चौतारीमा ।
देशमा लोकतन्त्र सितै थुप्रै उतार चढाव आए पनि सप्पैकुराको थान्को लागोस अनि देशमा राम राज्य छाओस । साथै श्रीलंकामा भएको साफ खेलमा सप्पै नेपालीले सुनै सुनको तक्मा ल्याउन । ठ्याक्क भन्दा चित्रेको कबिता जस्तै होस ।


रविका रश्मीले बादलको
घुम्टो उठाई चियाउँदा
सुनौला हिमटाकुरा प्रतिविम्वित
गर्ने शान्त तालहरू देख्दा,

समीरको शीतल वेगले
लहरा पहरा हल्लाउँदा
उन्मुक्त भै उन्मादमा

नाच्ने डाँफे मुनालहरू देख्दा
मलाई लाग्छ मेरो देश
रमणीयताको अनुपम नमूना हो
सौन्दर्यको एक उपमा हो

ठुलि म नि ठिक् छु, मिस् नै आउना भा छैन के हाजिर् गर्ने नि अब?

आज दर् खाने हो त गालव्? भोलि नि।

ए! भोलि पो हो? दर खाने ट्याम मिला'र नेपालतिर फोन हान्नु पर्ने!!!

जो छ, pre-दर खाए त भैहाल्यो नि! हैन? सम्झिंदै भोक लागेर आयो।
अनि तीजको गीतमा नाच्ने चैं कैले हो नि?

लौ दर् को भोलि पल्ट तीज् हुन्छ नि के कुरा सोध्या?

गालब तीज को गीत मा पर्सी नाच्ने । सानानी, तिरु तिमी हेर को नाच को प्रातिस् सक्यो नि सकिएन ।म त "तीज को रहर आयो बारी लाई" भने गीत मा नाच्ने । तिमि हरु नि साथ देउ ल मलाई ।

ल ल प्र्याक्टिस् गर्छु म, तीजको रहर गित् त पुरानो भो के अब ... म त आज बार हाते पटुकिको कुरा गर मायालु मा नाच्ने।

हैन, तीज पर्सि भनेर त थाहा भयो सान्नानी, क्यालेन्डर पनि भर्खर चेक गरें। तर गीत हालेर नाच्न त तीजको दिन कुरेर बस्नु पर्दैन नि! खै, आफू सानो हुँदा २-३ हप्ता अगाडिदेखि बेलुका बेलुका हाम्रा घर वरिपरिका दिदी-बैनीहरु जम्मा भ'र गीत गाउँथे झैं लाग्छ क्यारे!

ठुल्नानी, ल साँच्चैकै नाचेर भिडियो चैं चौतारीमा टाँसिदेऊ है?

ए तेसो रेछ त्यो थाहा थेन नि त मलाई। तीजकै दिन मात्र नाच्या देख्या हो मैले :D

ल त गफ गर्दै गर। नाच्नै प्रिपेरेसन गर। आफ्नो यहाँ शयन गर्नी बेला भो।

अमेरिकामा हुनेलाई शुभ प्रभात, युरोपतिर हुनेलाई शुभ दिवा, नेपालभन्दा पूर्वतिर हुनेलाई शूभरात्री!!

सानानी के गर्नु त आफुलाई खाली तेही गीत मात्र आउछ ।

:D

ल म सिखाइदिन्छु तिम्लाइ त्यो गीत्, ल ह्याँ हेर

- https://www.youtube.com/watch?v=bU1JQjzHKoQ

मिस् नि आउनु भएछ हाँस्दै। मिस् कति ढिलो आउनुभा? ल हाजीर् गर्दिनुस् अब।

सन्नानि लौ तिम्रो गीत् सुनेर मलाइ नि नाच्न मन् लाग्यो छम् छम्।पर्सि नाच्नु पर्ने आजै नाच्न मन् लाग्यो।
मिस् त बल्ल उठ्नु भएछ मेरो पनि हाजिर् गर्दिनुस् है मिस् ।

सानानी खै त्यो गीत त सुन्न नै मिलेन । तर जे भएनी मलाई तेही गीत मा नाच्ने सिकाइ देउ ।

रोल लमबर १०१ ग्वाँचे...............................आ'छु मिस्

दर खाने कुरा पो भैरारैछ, लौ है यस्सो बाकी छ भने म पनि खाम क्यारे, भोक लाइ'राछ ।

ठुल्नानी के छ हालखबर ?

कस्तो ठुल्नानीलाइ मात्र सोध्या यो ग्वाँचेले?

सान्नानी के छ हालखबर ? भनेर लेख्दै'थे, ठ्याक्क तिमीले समाइहालेउ।

सान्नानी के छ हालखबर ?

ग्बचेँ मेरो सबै ठीक छ अनि तपाईं को के छ नि? ग्बचेँ तपा पिर नगर्नुस् दर बाकि भएन भने मेरो भाग् भएनि देउला। :D

फेरि तितौरिलाइ छुटाछ भो अब?

चिया खायो ?

हत्तेरिका के भा होला आज्, पुरै सेन्टेन्स लेखिनसकी submit भइरा'छ ।